ویتنام کے طلبہ نے عالمی مصنوعی ذہانت اولمپیاڈ میں 7 تمغے جیت لیے

ہنوئی: ویتنامی طلبہ نے قازقستان کے دارالحکومت آستانہ میں منعقدہ تیسرے انٹرنیشنل اولمپیاڈ ان آرٹیفیشل انٹیلی جنس (IOAI) میں نمایاں کارکردگی کا مظاہرہ کرتے ہوئے 7 تمغے اپنے نام کرلیے۔

وی این ایکسپریس کے مطابق ویتنام کے 8 رکنی وفد نے مقابلے میں حصہ لیا، جن میں سے 7 طلبہ نے مختلف مقابلوں میں کامیابی حاصل کی۔ ویتنامی ٹیم نے 2 طلائی، ایک چاندی اور 4 کانسی کے تمغے جیتے۔

تیسرا انٹرنیشنل اولمپیاڈ ان آرٹیفیشل انٹیلی جنس 2 سے 8 اگست تک آستانہ میں منعقد ہوا، جس میں مختلف ممالک کے طلبہ نے مصنوعی ذہانت سے متعلق مسائل کے حل اور عملی چیلنجز میں اپنی صلاحیتوں کا مظاہرہ کیا۔

ویتنام کی وزارت تعلیم و تربیت کے مطابق طلبہ کی یہ کامیابی ملک میں نوجوانوں کی مصنوعی ذہانت اور جدید ٹیکنالوجی کے شعبوں میں بڑھتی ہوئی مہارت کی عکاس ہے۔

انٹرنیشنل اولمپیاڈ ان آرٹیفیشل انٹیلی جنس ہائی اسکول کے طلبہ کے لیے مصنوعی ذہانت کے شعبے میں ایک بین الاقوامی مقابلہ ہے۔ اس کا پہلا ایڈیشن 2024 میں بلغاریہ میں منعقد ہوا تھا، جبکہ آستانہ میں ہونے والا مقابلہ اس سلسلے کا تیسرا ایڈیشن تھا۔