آئی ایس پی آر نے یومِ آزادی کی مناسبت سے براہوی زبان میں نیا ملی نغمہ جاری کردیا

راولپنڈی: پاک فوج کے شعبہ تعلقات عامہ (آئی ایس پی آر) نے یومِ آزادی کی مناسبت سے براہوی زبان میں ایک اور خوبصورت ملی نغمہ جاری کردیا۔

معروف گلوکار اختر چنال نے اپنی منفرد اور مسحور کن آواز میں ملی نغمہ پیش کیا ہے، جس میں وطن سے محبت، قومی یکجہتی اور پاکستان سے وابستگی کے جذبات کو اجاگر کیا گیا ہے۔

ملی نغمے میں بلوچ عوام کی پاکستان سے گہری محبت اور والہانہ وابستگی کو نمایاں انداز میں پیش کیا گیا ہے، جبکہ اس کے بول اور دھن وطن سے وفاداری، اتحاد اور قومی جذبے کی بھرپور عکاسی کرتے ہیں۔

یومِ آزادی کے موقع پر جاری کیا گیا یہ نغمہ قومی یکجہتی، حب الوطنی اور پاکستان سے محبت کے پیغام کو اجاگر کرتا ہے۔