اسلام آباد (نمائندہ خصوصی)۔ وزیراعظم محمد شہباز شریف نے اسلام آباد آئی ٹی پارک کا نام ’’دانش آئی ٹی پارک‘‘ رکھنے کا اعلان کرتے ہوئے کہا ہے کہ یہ منصوبہ پاکستان میں مصنوعی ذہانت (اے آئی) اور انفارمیشن ٹیکنالوجی کے شعبوں میں نوجوانوں کو ہنرمند بنانے، جدت کے فروغ اور ملک کی ترقی و خوشحالی میں سنگ میل ثابت ہوگا۔ ان خیالات کا اظہار انہوں نے اسلام آباد میں نیشنل ٹیکنالوجی پارک کی افتتاحی تقریب سے خطاب کرتے ہوئے کیا۔ تقریب میں نائب وزیراعظم و وزیر خارجہ سینیٹر محمد اسحاق ڈار، وفاقی وزیر آئی ٹی شزا فاطمہ خواجہ، وفاقی وزیر اطلاعات و نشریات عطا تارڑ اور وفاقی وزیر منصوبہ بندی احسن اقبال سمیت وفاقی کابینہ کے ارکان، پارلیمینٹیرینز، جنوبی کوریا کے سفیر، معروف آئی ٹی کمپنیوں کے سربراہان اور آئی ٹی ماہرین نے شرکت کی۔

دانش آئی ٹی پارک: نوجوانوں کے لیے مواقع

تقریب سے خطاب کرتے ہوئے وزیراعظم نے کہا کہ یہ جدید آئی ٹی پارک انکیوبیشن سینٹرز، انوویشن، اسٹارٹ اپس، چھوٹے اور درمیانے درجے کے کاروبار، صنعتوں اور نوجوان کاروباری افراد کے لیے مواقع فراہم کرے گا، اس سے ملک کے ہزاروں نہیں بلکہ لاکھوں نوجوان مرد و خواتین کو ہنر سیکھنے اور بااختیار بننے کا موقع ملے گا جبکہ یہی مہارتیں پاکستان کو ترقی یافتہ ممالک کی صف میں شامل کرنے میں مدد دیں گی۔ انہوں نے کہا کہ جب یہ آئی ٹی پارک مکمل طور پر فعال ہوجائے گا تو انہیں یقین ہے کہ اس طرز کے درجنوں اور سینکڑوں نہیں بلکہ ہزاروں آئی ٹی پارکس ملک کے چاروں صوبوں میں قائم ہوں گے۔ وزیراعظم شہباز شریف اور صدر آذربائیجان کا آسان خدمت مراکز بڑھانے پر اتفاق کے وژن کے مطابق، مصنوعی ذہانت اور انفارمیشن ٹیکنالوجی کی مدد سے زراعت، صنعت، مینوفیکچرنگ، معدنیات اور دیگر شعبوں میں جدید علوم سے استفادہ کیا جاسکے گا۔

منصوبے کی تکمیل اور سیاسی عزم

وزیراعظم نے کہا کہ اسلام آباد آئی ٹی پارک کے منصوبے کا سنگ بنیاد 18-2017 میں رکھا گیا تھا، تاہم اس کے بعد کیا ہوا، وہ تاریخ کا حصہ ہے۔ انہوں نے کہا کہ یہ سیاسی پوائنٹ سکورنگ کا موقع نہیں، بلکہ منصوبے کی تکمیل میں تعاون کرنے والے تمام افراد کی کاوشوں کو سراہنے کا موقع ہے۔ انہوں نے کہا کہ حکومت کے متعلقہ وزرا بالخصوص وزیر خزانہ اور وزیر آئی ٹی اور سیکریٹری آئی ٹی سمیت ان کی پوری ٹیم نے منصوبے کی تکمیل کے لیے محنت کی۔ سیکرٹری آئی ٹی طبیعت ناساز ہونے کے باعث تقریب میں شریک نہیں ہوسکے، وزیراعظم نے ان کی صحت یابی کے لیے نیک تمنائوں کا اظہار کیا۔

عالمی تعاون اور مستقبل کا لائحہ عمل

وزیراعظم نے کہا کہ ابتدا میں اس منصوبے کو ناقابل عمل منصوبہ قرار دیا گیا لیکن ٹیم ورک اور دن رات کی محنت سے اسے ایک مستحکم اور قابل عمل منصوبے میں تبدیل کردیا گیا۔ انہوں نے جنوبی کوریا کے صدر کا شکریہ ادا کرتے ہوئے کہا کہ جنوبی کوریا کا اس منصوبے میں تعاون قابل قدر ہے۔ انہوں نے یقین دلایا کہ پاکستان اس منصوبے کی دیکھ بھال کرے گا اور اسے اس شعبے میں ایک کامیاب منصوبہ بنایا جائے گا۔ وزیراعظم شہباز شریف کی ذیابیطس کی روک تھام کے لیے حکمت عملی کی طرح آئی ٹی کے میدان میں بھی حکومت ایسے ہی مربوط اقدامات کر رہی ہے۔ وزیراعظم نے مزید کہا کہ دانش آئی ٹی پارک ملک کا پہلا ایسا آئی ٹی پارک ہوگا جسے حکومت پاکستان دوسرے صوبوں کے علاوہ آزاد جموں و کشمیر اور گلگت بلتستان تک بھی وسعت دے گی۔ انہوں نے دانش اسکولوں کا حوالہ دیتے ہوئے کہا کہ یہ ادارے انتہائی غربت کے ماحول میں رہنے والے بچوں کو تعلیم کے مواقع فراہم کر رہے ہیں اور اب اسی وژن کے تحت دانش یونیورسٹی بھی تیزی سے قائم کی جا رہی ہے۔