بندرگاہوں کو خصوصی اقتصادی زونز، سڑکوں، ریلوے اور گوداموں سے منسلک کیا جائے، افتخار علی ملک

لاہور، 9 اگست: سارک چیمبر آف کامرس اینڈ انڈسٹری کے سابق صدر افتخار علی ملک نے کہا ہے کہ بندرگاہوں کو خصوصی اقتصادی زونز، سڑکوں، ریلوے اور گوداموں سے مربوط کرکے مؤثر لاجسٹکس نظام تشکیل دیا جائے۔ اتوار کو ایک بیان میں انہوں نے کہا کہ جدید بندرگاہیں لاجسٹکس اخراجات کم، برآمدی مسابقت بہتر اور غیر ملکی سرمایہ کاری کے فروغ میں اہم کردار ادا کرتی ہیں۔ آٹومیشن، مصنوعی ذہانت اور اسمارٹ کارگو مینجمنٹ سمیت جدید ٹیکنالوجی کا استعمال ضروری ہے۔ انہوں نے کہا کہ پاکستان اپنی جغرافیائی اہمیت سے فائدہ اٹھاتے ہوئے جنوبی، وسطی ایشیا اور مشرق وسطیٰ کے درمیان اہم تجارتی و ٹرانزٹ مرکز بن سکتا ہے۔ اس مقصد کے لیے بندرگاہی انفراسٹرکچر، ڈیجیٹل کسٹمز اور کثیرالجہتی ٹرانسپورٹ نیٹ ورک کو جدید بنانا ہوگا۔