وزیراعلیٰ پنجاب مریم نواز شریف کا چین کی معروف ٹائرن وزڈم ڈیری کمپنی کا دورہ

بیجنگ: وزیراعلیٰ پنجاب مریم نواز شریف نے چین کے معروف ٹائرن وزڈم ڈیری ورکس کے دورے کے دوران جدید ڈیری فارمنگ، ملک پروسیسنگ اور لائیو سٹاک کے شعبے میں جدید ٹیکنالوجی کا مشاہدہ کیا۔

چین کے صوبہ سنکیانگ میں ٹائرن وزڈم ڈیری کمپنی کے ہیڈکوارٹرز پہنچنے پر کمپنی کے حکام نے وزیراعلیٰ مریم نواز شریف کو ادارے کے مختلف شعبوں، آپریشنز اور ڈیری پروسیسنگ کی جدید سہولیات کے بارے میں تفصیلی بریفنگ دی۔

وزیراعلیٰ مریم نواز شریف نے کمپنی میں جدید ڈیری فارمنگ اور دودھ کی پروسیسنگ کے لیے استعمال ہونے والی ٹیکنالوجی کا جائزہ لیا اور لائیو سٹاک کے شعبے میں جدید طریقہ کار اور ٹیکنالوجی کے استعمال میں خصوصی دلچسپی کا اظہار کیا۔

اس موقع پر وزیراعلیٰ پنجاب نے چین کے اشتراک سے پنجاب میں جدید ملک و ڈیری پروسیسنگ پراجیکٹ کے قیام کی خواہش کا اظہار کیا۔ انہوں نے کہا کہ چین کی جدید ٹیکنالوجی اور تجربے سے استفادہ کرتے ہوئے پنجاب میں ڈیری اور لائیو سٹاک کے شعبے کو مزید ترقی دی جا سکتی ہے۔

مریم نواز شریف نے کہا کہ جدید ڈیری فارمنگ اور ملک پروسیسنگ کے منصوبے پنجاب کے لائیو سٹاک شعبے کی ترقی اور دیہی معیشت کے فروغ میں اہم کردار ادا کر سکتے ہیں۔ چین کے اشتراک سے جدید ڈیری پروسیسنگ پراجیکٹ کا قیام پنجاب میں اس شعبے کی ترقی کے لیے اہم سنگِ میل ثابت ہوگا۔

وزیراعلیٰ نے جدید ٹیکنالوجی کے ذریعے ڈیری فارمنگ اور دودھ کی پروسیسنگ کے نظام کو بہتر بنانے کی اہمیت پر زور دیا اور چین کے تجربات سے استفادہ کرنے میں دلچسپی کا اظہار کیا