پائلٹ آفیسر راشد منہاس شہید کی 55ویں برسی، مسلح افواج کا خراج عقیدت

راولپنڈی: چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر، چیف آف نیول اسٹاف ایڈمرل نوید اشرف، چیف آف ایئر اسٹاف ایئر چیف مارشل ظہیر احمد بابر سدھو اور مسلح افواج پاکستان نے نشان حیدر پائلٹ آفیسر راشد منہاس شہید کی 55ویں یوم شہادت پر ان کی عظیم قربانی کو خراج عقیدت پیش کیا ہے۔

آئی ایس پی آر کے مطابق 20 اگست 1971 کو پائلٹ آفیسر راشد منہاس شہید نے غیر معمولی جرات، عزم اور فرض سے بے مثال وابستگی کا مظاہرہ کیا۔ ایک غیر معمولی چیلنج کا سامنا کرتے ہوئے انہوں نے پاکستان کی خودمختاری اور وقار کے تحفظ کے لیے اپنی جان کا نذرانہ پیش کیا۔

آئی ایس پی آر نے کہا کہ راشد منہاس شہید کا بے لوث اقدام جرات، وفاداری اور وطن کے دفاع کے لیے عزم کی روشن مثال ہے۔

پاکستان کے عوام اور مسلح افواج نے اس عظیم سپوت کو سلام پیش کرتے ہوئے پاکستان کی خودمختاری، علاقائی سالمیت اور قومی مفادات کے تحفظ کے عزم کا اعادہ کیا۔

آئی ایس پی آر کے مطابق راشد منہاس شہید کی لازوال میراث قوم اور مسلح افواج کے لیے جرات، قربانی، حب الوطنی اور فرض سے وابستگی کی ہمیشہ زندہ رہنے والی علامت کے طور پر مشعل راہ رہے گی۔