آج پھر پٹرول 3.40، ڈیزل 6.72 روپے مہنگا، یکم ستمبر سے پٹرول 24.96، ڈیزل 22.26 روپے مہنگا ہو گیا

اسلام آباد: حکومت نے پٹرول اور ہائی اسپیڈ ڈیزل کی قیمتوں میں ایک بار پھر اضافہ کردیا ہے، جس کے بعد پٹرول کی قیمت 367.75 روپے جبکہ ہائی اسپیڈ ڈیزل کی قیمت 392.67 روپے فی لیٹر ہوگئی ہے۔ پٹرول کی قیمت میں 3.40 روپے اور ڈیزل کی قیمت میں 6.72 روپے فی لیٹر اضافہ کیا گیا ہے۔ نئی قیمتوں کا اطلاق 10 ستمبر سے ہوگیا ہے۔

تازہ اضافے کے بعد یکم ستمبر سے اب تک پٹرول مجموعی طور پر 24.96 روپے فی لیٹر جبکہ ہائی اسپیڈ ڈیزل 22.26 روپے فی لیٹر مہنگا ہوچکا ہے۔ یکم ستمبر کو پٹرول کی قیمت 342.79 روپے اور ہائی اسپیڈ ڈیزل کی قیمت 370.41 روپے فی لیٹر تھی۔

گزشتہ چند روز کے دوران پٹرول اور ڈیزل کی قیمتوں میں مسلسل اضافہ اور اتار چڑھاؤ دیکھنے میں آیا۔ یکم ستمبر کو پٹرول 342.79 اور ڈیزل 370.41 روپے فی لیٹر تھا، جبکہ بعد ازاں مختلف اوقات میں ہونے والے اضافوں کے نتیجے میں دونوں مصنوعات کی قیمتیں مسلسل بڑھتی رہیں۔

8 ستمبر کو پٹرول کی قیمت میں 12.90 روپے اور ڈیزل کی قیمت میں 3.72 روپے فی لیٹر اضافہ کیا گیا، جس کے بعد پٹرول 358.77 اور ڈیزل 381.77 روپے فی لیٹر ہوگیا تھا۔ 9 ستمبر کو پٹرول مزید 5.58 روپے اور ڈیزل 4.18 روپے فی لیٹر مہنگا کیا گیا، جس کے بعد پٹرول 364.35 اور ڈیزل 385.95 روپے فی لیٹر ہوگیا تھا۔

اب 10 ستمبر کو ایک بار پھر دونوں پٹرولیم مصنوعات کی قیمتوں میں نمایاں اضافہ کردیا گیا ہے۔ تازہ اضافے کے بعد پٹرول 367.75 روپے اور ہائی اسپیڈ ڈیزل 392.67 روپے فی لیٹر کی نئی قیمت پر پہنچ گیا ہے۔

یوں یکم ستمبر سے صرف دس روز کے دوران پٹرول کی قیمت میں تقریباً 25 روپے جبکہ ڈیزل کی قیمت میں 22 روپے سے زائد کا اضافہ ہوچکا ہے، جس سے ٹرانسپورٹ اور مال برداری کے اخراجات میں مزید اضافہ ہونے اور اس کے نتیجے میں اشیائے ضروریہ کی قیمتوں پر اضافی دباؤ کا خدشہ ہے۔