سعودی عرب، پاکستان اور ترکیہ کا دفاعی معاہدہ تاریخی سنگ میل ہے، افتخار علی ملک

لاہور: سارک چیمبر آف کامرس اینڈ انڈسٹری کے سابق صدر افتخار علی ملک نے سعودی عرب، پاکستان اور ترکیہ کے سہ فریقی دفاعی معاہدے کو امت مسلمہ کے لیے تاریخی پیش رفت قرار دیتے ہوئے کہا ہے کہ یہ معاہدہ خطے میں امن و استحکام، دفاعی تعاون اور مسلم ممالک کے درمیان اتحاد کو مزید مضبوط کرے گا۔ جمعہ کو اپنے بیان میں انہوں نے کہا کہ یہ شراکت داری دفاعی تعاون، انٹیلی جنس کے تبادلے، انسداد دہشت گردی اور مقامی دفاعی صلاحیتوں کے فروغ میں اہم کردار ادا کرے گی، جبکہ سیاسی، اقتصادی اور تکنیکی تعاون کے نئے مواقع بھی پیدا ہوں گے۔ انہوں نے امید ظاہر کی کہ یہ معاہدہ دیگر اسلامی ممالک کے لیے بھی ایک مثال بنے گا اور دنیا کو یہ پیغام دے گا کہ مسلم دنیا امن، اجتماعی سلامتی اور ہر قسم کی جارحیت کے خلاف متحد ہے۔